Sunday, November 30, 2025

एनपीएल क्रिकेटमा ‘डर्बी डे’: पूर्व र पश्चिमका दुवै डर्बी आज


८ मंसिर, काठमाडौं । सिद्धार्थ बैंक नेपाल प्रिमियर लिग (एनपीएल) २०२५ अन्तर्गत आज दुई रोमाञ्चक डर्बी खेलहरू हुँदैछन्। पूर्वका दुई प्रतिद्वन्द्वी—विराटनगर किङ्स र जनकपुर बोल्ट्स—र पश्चिमका दुई टोली—कर्णाली याक्स र सुदूरपश्चिम रोयल्स—आमनेसामने हुने भएकाले आजको दिनलाई ‘डर्बी डे’ पनि नाम दिइएको छ।

पहिलो खेल विहान ११:१५ बजे विराटनगर किङ्स र जनकपुर बोल्ट्सबीच हुनेछ। लगातार दुई खेलमा विजय हासिल गरेको विराटनगरले तेस्रो जितको लक्ष्य राखेको छ, भने पहिलो खेलमा पराजित जनकपुर आज पहिलो अंक बटुल्न खोज्नेछ। यी दुई टिम गत संस्करणको उद्घाटन खेलमा भिडिएका थिए, जहाँ जनकपुर ८ विकेटले विजयी भएको थियो।

आजै अपराह्न ४ बजेदेखि दोस्रो खेल कर्णाली याक्स र सुदूरपश्चिम रोयल्सबीच हुनेछ। कर्णालीले दुई खेलमा एक जित तथा एक हारको नतिजा निकालेको छ भने सुदूरपश्चिमले अझै सम्म दुवै खेल जितेर अपराजित अवस्थालाई निरन्तरता दिएको छ। पहिलो संस्करणमा यी दुईको भेटमा सुदूरपश्चिमले कर्णालीलाई ६ विकेटले पराजित गरेको थियो।


अंकतालिका अपडेट

एनपीएल २०२५ मा हालसम्म ८ खेल सम्पन्न भएका छन्। जनकपुरले १ खेल मात्रै खेलेको छ भने काठमाडौं गोर्खाजले ३ खेल पूरा गरिसकेको छ। बाँकी सबै टिमले २-२ खेल खेलेका छन्।

  • सुदूरपश्चिम रोयल्सविराटनगर किङ्स — २ खेल, २ जित, ४ अंक (नेटरनेटका आधारमा सुदूर अग्रस्थानमा)

  • कर्णाली याक्स, चितवन राइनोज, काठमाडौं गोर्खाज, लुम्बिनी लायन्स — १ जित, १ हार

  • जनकपुर बोल्ट्स — १ खेल, १ हार

  • पोखरा एभेन्जर्स — २ खेल, २ हार

Super Admin

समाचार कक्ष

Please Login to comment in the post!

you may also like