जाजरकोटको जुनीचाँदे गाउँपालिकामा कोदालो प्रहारबाट एक जनाको मृत्यु भएको छ। जुनीचाँदे गाउँपालिका–८ पोखरीका ३० वर्षीय बले थापाले आफ्नै जेठोबुबाका छोरा ४० वर्षीय भबिराम थापामाथि कोदालो प्रहार गरेको प्रहरीले जनाएको छ।
गम्भीर घाइते भएका भबिरामको उपचार हुन नपाउँदै मृत्यु भएको जिल्ला प्रहरी कार्यालय जाजरकोटका प्रहरी नायब उपरीक्षक बुद्धिसागर पुरीले जानकारी दिए।
प्रहरीका अनुसार मंगलबार साँझ जुनीचाँदे गाउँपालिका–८ पंकस्थित बाटोमा घटना भएको हो। घटनाबारे जानकारी पाएपछि प्रहरी सहायक निरीक्षक तिलक चन्दको कमान्डमा सात जनाको प्रहरी टोली घटनास्थल पुगेको थियो।
प्रहरीले घटनामा प्रयोग भएको कोदालो नजिकैको बारीमा फेला पारेको जनाएको छ। घटनापछि बले थापा फरार भएका छन्। उनको खोजी भइरहेको र घटनाबारे थप अनुसन्धान जारी रहेको प्रहरी नायब उपरीक्षक पुरीले बताए।
रील क्याप्सन:
जाजरकोटको जुनीचाँदे गाउँपालिका–८ मा कोदालो प्रहारबाट ४० वर्षीय भबिराम थापाको मृत्यु भएको छ। घटनामा संलग्न रहेको आरोप लागेका ३० वर्षीय बले थापा फरार छन्। प्रहरीले उनको खोजी गर्दै घटनाबारे अनुसन्धान गरिरहेको जनाएको छ।
