कांग्रेसमा समानान्तर शक्ति प्रदर्शन: देउवा–शेखर समूहद्वारा छुट्टै भेला, आन्तरिक विवाद चर्कियो

काठमाडौँ - नेपाली कांग्रेसभित्र आन्तरिक गुटगत गतिविधि तीव्र बन्दै गएको संकेत देखिएको छ। पार्टीका दुई प्रभावशाली धार, शेरबहादुर देउवा र शेखर कोइराला पक्षधरले समानान्तर कार्यक्रमहरू सञ्चालन गर्न थालेका छन्।

कार्यबाहक सभापतिको भूमिकामा रहेका पूर्णबहादुर खड्का तथा नेता शेखर कोइरालाको पहलमा नवनिर्वाचित सांसदहरूलाई बधाई दिन विशेष कार्यक्रम आयोजना गरिएको छ। उक्त कार्यक्रम आज दिउँसो १२ बजे धुम्बाराहीस्थित स्मार्ट होटलमा तय गरिएको छ, जहाँ प्रतिनिधि सभामा निर्वाचित सांसदहरूलाई आमन्त्रण गरिएको छ।

कार्यक्रममा देउवा पक्षका शीर्ष नेताहरूको समेत उपस्थिति रहने जनाइएको छ, जसले पार्टीभित्र शक्ति सन्तुलनको संकेत गर्ने विश्लेषण गरिएको छ।

यसअघि, गत शनिबार सानेपामा नेपाली कांग्रेसले आफ्ना सांसदहरूका लागि प्रशिक्षण कार्यक्रम सम्पन्न गरिसकेको थियो। तर, केपी शर्मा ओली र रमेश लेखक पक्राउ प्रकरणबारे पूर्णबहादुर खड्काले कार्यबाहक सभापतिको हैसियतमा विज्ञप्ति जारी गरेपछि पार्टीभित्रको विवाद सार्वजनिक रूपमा प्रकट भएको हो।

यस घटनाक्रमले नेपाली कांग्रेसभित्रको आन्तरिक मतभेद अझ गहिरिँदै गएको संकेत दिएको छ।