एकैदिन तोलामा २० हजार ५ सयको उछाल, सुनको भाउ ३ लाख ११ हजार नाघ्यो

काठमाडौं । नेपाली बजारमा आइतबार सुनको मूल्यमा अप्रत्याशित वृद्धि देखिएको छ। अघिल्लो दिनको तुलनामा प्रतितोला २० हजार ५ सय रुपैयाँले बढ्दै सुनको मूल्य नयाँ उचाइमा पुगेको हो।

शनिबार प्रतितोला २ लाख ९० हजार ६ सय रुपैयाँमा कारोबार भएको छापावाल सुन आइतबार बढेर ३ लाख ११ हजार १ सय रुपैयाँ पुगेको नेपाल सुनचाँदी व्यवसायी महासंघले जनाएको छ।

यसैगरी, चाँदीको मूल्य पनि स्थिर रहँदै प्रतितोला ५ हजार ३४५ रुपैयाँमा कारोबार भइरहेको महासंघले जानकारी दिएको छ।

सुनको मूल्यमा एकैदिन भएको यो उल्लेखनीय वृद्धिले बजारमा नयाँ रेकर्ड कायम गरेको छ भने लगानीकर्ता तथा उपभोक्ताको ध्यान समेत आकर्षित गरेको छ।