ऐतिहासिक उचाइमा सुन: फेरि ३ लाख पार, चाँदीको भाउ पनि उकालो

काठमाडौं । नेपाली बजारमा आज सुनचाँदीको मूल्यमा उल्लेखनीय वृद्धि देखिएको छ। एकैदिन सुनको मूल्य प्रतितोला २ हजार ९ सय रुपैयाँले बढ्दै तीन लाख नाघेको छ भने चाँदी पनि १५५ रुपैयाँले महँगिएको छ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ३ लाख २ हजार ७ सय रुपैयाँ निर्धारण गरिएको छ। त्यस्तै, चाँदीको मूल्य प्रतितोला ५ हजार २२० रुपैयाँ पुगेको छ।

यसअघि मंगलबार सुन प्रतितोला २ लाख ९९ हजार ८ सय रुपैयाँमा कारोबार भएको थियो भने चाँदी ५ हजार ६५ रुपैयाँमा किनबेच भएको थियो।

अन्तरराष्ट्रिय बजारमा समेत बहुमूल्य धातुको मूल्य उकालो लागेको छ। अन्तरराष्ट्रिय सञ्चारमाध्यमहरूका अनुसार आज एक औँस सुन ४ हजार ८२८ अमेरिकी डलरमा कारोबार भइरहेको छ भने चाँदी प्रति औँस ८० डलर पुगेको छ।