शेरधन राईको आपत्ति : ओलीको पक्राउ गैरकानुनी, सरकार देशलाई मुठभेडतर्फ धकेल्दै

काठमाडौँ । नेकपा एमालेका सचिव शेरधन राईले राजनीतिक प्रतिशोधका कारण सरकारले अध्यक्ष केपी शर्मा ओलीलाई गैरकानुनी रूपमा पक्राउ गरेको दाबी गर्दै सडकमा आउन बाध्य भएको बताएका छन्।

माइतीघरमा आयोजित विरोध कार्यक्रममा बोल्दै राईले ओलीको पक्राउ गैरकानुनी भएको र यसले मुलुकलाई मुठभेडतर्फ धकेलेको बताए। उनले गौरीबहादुर कार्की जाँचबुझ आयोगको अध्यक्ष बन्न लायक नभएको भन्दै प्रतिप्रारम्भदेखि आपत्ति राखेको स्मरण गराए।

राईले आयोगको प्रतिवेदन अपूर्ण, पूर्वाग्रहपूर्ण र अनुरोधमूलक भएको उल्लेख गर्दै, त्यसको आधारमा बिना छानबिन अध्यक्ष ओलीलाई पक्राउ गरेको आरोप लगाए। उनले सर्वोच्च अदालतको बहालवाला न्यायाधीशको नेतृत्वमा उच्चस्तरीय छानबिन समिति गठन गर्न पनि माग गरे।

साथै राईले विदेशी हस्तक्षेप भित्र्याएर सरकार मुलुकलाई युक्रेन जस्तो संकटपूर्ण परिस्थितितर्फ लैजान खोजिरहेको आरोप पनि लगाए।