राष्ट्रिय विकासको ऐतिहासिक जिम्मेवारी रवि–बालेनको काँधमा

काठमाडौं। प्रगतिशील लोकतान्त्रिक पार्टीका नेता जनार्दन शर्माले रुकुम पश्चिममा नेकपा उम्मेदवार गोपाल शर्माको विजयलाई बधाई दिएका छन्।

रुकुम पश्चिममा चुनाव हार्दा पनि शर्मा भनेका छन् कि उनी रुकुमेली जनताका आशा र अपेक्षाहरू पूरा गर्न प्रतिबद्ध रहनेछन्। उनी निर्माणाधीन परियोजनाहरू सम्पन्न गर्ने, गरिब, बेरोजगार र विभेद रहित रुकुम बनाउने, सुशासन स्थापना गर्ने र लोकतान्त्रिक मूल्यका आधारमा जनताको सपना पूरा गर्ने दिशामा अघि बढ्ने बताएका छन्।

शर्माले भने, “रुकुमका सबै राजनीतिक दलहरूले मिलेर रुकुम एकीकृत विकास योजना–दोस्रो चरण पूरा गरी सामाजिक न्याय र समानतामा आधारित समृद्ध रुकुम निर्माणमा योगदान दिनेछन् भन्ने विश्वास छ।”

उनीहरूले दुई तिहाइ बहुमत पाएर राजनीतिक अस्थिरता परास्त गर्ने राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन्द्र शाहलाई पनि बधाई दिएका छन्।

शर्माले जोड दिए, “जनताको ऐतिहासिक जनमत अनुसार सुशासन स्थापना, आर्थिक विकास र सामाजिक न्यायसहित समाजवादको बाटोमा अघि बढ्ने नेपाली जनताको चाहना पूरा होस्। संविधान र राष्ट्रको रक्षा गर्दै साँच्चिकै विकसित नेपाल बनाउने ऐतिहासिक जिम्मेवारी अब तपाईंहरूको काँधमा आएको छ।”

उनी आफैं सचेत नागरिकको हैसियतले राष्ट्रहितमा हुने हरेक कदममा साथ र समर्थन दिने प्रतिबद्धतासमेत व्यक्त गरेका छन्।