प्रधानमन्त्रीको अभिव्यक्तिले बढायो राजनीतिक तरंग, एमाले संसदीय टोली ओलीसँग रणनीतिक छलफलमा

काठमाडौं, १८ जेठ - प्रधानमन्त्रीको पछिल्लो अभिव्यक्तिलाई लिएर उत्पन्न राजनीतिक बहसका बीच नेकपा एमालेको संसदीय दलको टोली पार्टी अध्यक्ष तथा संसदीय दलका नेता केपी शर्मा ओलीसँग छलफल गर्न गुण्डु पुगेको छ।

एमाले संसदीय दलका नेता रामबहादुर थापा नेतृत्वको टोली अध्यक्ष ओलीसँग भेटवार्ता गरी संसदमा अपनाइने रणनीति तथा प्रधानमन्त्रीको अभिव्यक्तिबारे धारणा तय गर्ने तयारीमा रहेको बताइएको छ।

एमालेका प्रमुख सचेतक ऐन महर का अनुसार अध्यक्ष ओलीले संसदीय दलका पदाधिकारीहरूलाई छलफलका लागि बोलाएका हुन्। उनले प्रधानमन्त्रीको अभिव्यक्तिबारे पार्टीको धारणा र संसदमा प्रस्तुत हुने रणनीतिबारे बैठकमा केन्द्रित छलफल हुने जानकारी दिए।

महरका अनुसार एमाले संसदमा यो विषयलाई सशक्त रूपमा उठाउने तयारीमा छ। सोही सन्दर्भमा पार्टी नेतृत्वसँग आवश्यक परामर्श र समन्वयका लागि बैठक आयोजना गरिएको हो।

छलफलमा संसदीय दलका नेता बादलसँगै उपनेता पद्मा अर्याल, प्रमुख सचेतक महर तथा सचेतक निशा घतानी सहभागी भएका छन्।

प्रधानमन्त्रीको अभिव्यक्तिलाई लिएर संसद र राजनीतिक वृत्तमा चर्चा भइरहेका बेला एमालेले यस विषयमा आफ्नो रणनीति स्पष्ट पार्न नेतृत्वस्तरमा परामर्शलाई तीव्र बनाएको छ।