काठमाडौंको त्रिपुरेश्वरस्थित चोकको बस स्टप अगाडि बसमा आगलागी हुँदा चालक घाइते भएका छन्।
बा ५ ख ४२७४ नम्बरको बसमा आगलागी भएको हो। बसका चालक काभ्रेका २५ वर्षीय दावा लामा बसभित्रै रहेका बेला आगलागी भएको प्रहरीले जनाएको छ।
काठमाडौं उपत्यका ट्राफिक प्रहरी कार्यालयका एसपी नरेशराज सुवेदीका अनुसार घाइते चालकलाई उद्धार गरी अस्पताल पठाइएको छ। आगलागीको कारणबारे प्रहरीले अनुसन्धान गरिरहेको छ।
