काठमाडौं । श्रम संस्कृति पार्टीका सांसद ध्रुवराज राईले आफ्नो पार्टीले प्रतिनिधिसभामा उठाएका सात विषयमा प्रधानमन्त्री बालेन्द्र शाहको जवाफ कहिले आउँछ भन्दै प्रश्न गरेका छन् ।
सोमबारको प्रतिनिधिसभा बैठकमा पार्टीका तर्फबाट विभिन्न सात विषय उठाएका राईले मंगलबार बैठक सुरु भएलगत्तै ती विषयमा सरकारको जवाफ माग दोहोर्याएका हुन् ।
राईले लामो समयदेखि संसद्ले प्रधानमन्त्रीको जवाफ खोजिरहेको भन्दै सरकार प्रमुखले पूरा गर्नुपर्ने जिम्मेवारी कहिले पूरा हुन्छ भनेर सभामुखमार्फत सरकारको ध्यानाकर्षण गराए ।
उनले भदौ १० गते रसुवाको भोटेकोशीमा आएको विनाशकारी बाढीपछि सरकारले गरिरहेको कामबारे पनि जवाफ मागेका छन् ।
त्यस्तै, पूर्वप्रधानन्यायाधीश चोलेन्द्रशमशेर जबरालाई प्रहरीले नियन्त्रणमा लिएर छाडेको घटना, राजनीतिक विश्लेषक भरत दाहालको पक्राउ तथा पछिल्लो समय भएका आत्मदाहका घटनाबारे पनि प्रधानमन्त्रीसँग जवाफ मागिएको उनले बताए ।
