काठमाडौं - नेपाली बजारमा मंगलबार सुनको मूल्यमा उल्लेखनीय वृद्धि देखिएको छ। अघिल्लो दिनको तुलनामा छापावाल सुनको भाउ प्रतितोला ६ हजार ७०० रुपैयाँले बढ्दै नयाँ उचाइमा पुगेको हो।
नेपाल सुनचाँदी व्यवसायी महासंघका अनुसार आजका लागि छापावाल सुनको मूल्य प्रतितोला २ लाख ९० हजार २०० रुपैयाँ निर्धारण गरिएको छ। सोमबार यही सुन २ लाख ८३ हजार ५०० रुपैयाँमा कारोबार भएको थियो।
त्यसैगरी, आज १० ग्राम सुनको मूल्य २ लाख ४८ हजार ८०० रुपैयाँ कायम भएको छ, जुन अघिल्लो दिन २ लाख ४३ हजार ५५ रुपैयाँ थियो।
सुनसँगै चाँदीको मूल्यमा पनि वृद्धि देखिएको छ। आज चाँदी प्रतितोला १४५ रुपैयाँले बढेर ४ हजार ८४५ रुपैयाँ पुगेको छ, जबकि सोमबार यसको मूल्य ४ हजार ७०० रुपैयाँ थियो।
यस्तै, १० ग्राम चाँदीको मूल्य आज ४ हजार १५४ रुपैयाँ निर्धारण गरिएको छ, जुन अघिल्लो दिन ४ हजार ३० रुपैयाँमा कारोबार भएको थियो।
महासंघका अनुसार अन्तर्राष्ट्रिय बजारमा आएको उतारचढावको प्रभाव स्थानीय बजारमा पनि परेको कारण सुनचाँदीको मूल्यमा यस्तो तीव्र वृद्धि देखिएको हो।
