काठमाडौँ - निर्वाचन आयोगका अनुसार समानुपातिकतर्फको मतगणना अहिले अन्तिम चरणमा पुगेको छ। देशभरका अधिकांश निर्वाचन क्षेत्रमा मतगणना सम्पन्न भइसकेको भए पनि अझै ८ वटा निर्वाचन क्षेत्रमा गणना सुरु हुन बाँकी रहेको आयोगले जनाएको छ।
आयोगका अनुसार संखुवासभा, इलाम-१, अछाम-२, बाजुरा, गोरखा-१ र २, तथा धनुषा–१ र २ मा समानुपातिकतर्फको मतगणना सुरु हुन बाँकी छ।
यसअघि धनुषा–३, महोत्तरी–१, सर्लाही–२, बारा–१, २, ३ र ४, रौतहट–१, पर्सा–१, २ र ४ मा मतगणना सम्पन्न भइसकेको छ। त्यसैगरी रसुवा, सिन्धुली–१ र २ तथा दोलखामा पनि मतगणना सकिएको छ।
सुदूरपश्चिम प्रदेशका कञ्चनपुर–१, २ र ३, दार्चुला, डडेल्धुरा, बझाङ, डोटी र कैलाली–१ मा पनि गणना पूरा भइसकेको छ।
त्यसैगरी ताप्लेजुङ, धनकुटा, झापा–३, मोरङ–२, ३, ४ र ६, सुनसरी–३, तेह्रथुम र उदयपुर–२ मा मतगणना सम्पन्न भएको आयोगले जनाएको छ।
यसैगरी गुल्मी–१, रोल्पा, रुकुम पश्चिम, बाँके–१, २ र ३, अर्घाखाँची, कपिलवस्तु–२, दाङ–२ र ३, पर्वत, तनहुँ, कास्की, लमजुङ, नवलपरासी पूर्व–१ र २, मुस्ताङ, म्याग्दी, स्याङ्जा–१, मनाङ, बाग्लुङ, काठमाडौँका १ देखि १० सम्म सबै, भक्तपुर–१ र २ तथा ललितपुर–१ र ३ मा पनि मतगणना सकिएको छ।
निर्वाचन आयोगका अनुसार बाँकी रहेका निर्वाचन क्षेत्रमा भने मतगणना प्रक्रिया जारी रहेको छ।
