रसुवामा भदौ १० गते आएको विनाशकारी भोटेकोशी बाढीपछि बेपत्ता व्यक्तिहरूको खोजी गर्ने क्रममा माथिल्लो त्रिशूली–१ जलविद्युत् आयोजनाको सुरुङबाट ६ जनाको शव फेला पारेर निकालिएको छ।
नेपाली सेनाका अनुसार आयोजनाको अडिट–३ टनेलभित्र ढलानका लागि बुनिएको डन्डीको जालीको भित्री भागमा अल्झिएको अवस्थामा ६ शव फेला परेका थिए।
सुरुङभित्र कठिन अवस्थामा रहेका शवलाई ग्याँस कटर र रोटरी रेस्क्यु उपकरणको प्रयोग गरी बाहिर निकालिएको सेनाले जनाएको छ।
टनेलभित्र हिलोले छोपिएको अवस्थामा थप शवजस्तो आकृति देखिएपछि खोजी तथा उद्धार कार्यलाई निरन्तरता दिइएको नेपाली सेनाले जनाएको छ।
