काठमाडौंमा मालपोत तथा कम्पनी रजिष्ट्रार कार्यालय केन्द्रित कारबाहीमा १८ जना बिचौलियालाई पक्राउ गरिएको छ।
जिल्ला प्रहरी परिसर काठमाडौंको टोलीले मालपोत कार्यालय कलंकी, चाबहिल र कम्पनी रजिष्ट्रार कार्यालय त्रिपुरेश्वरबाट उनीहरूलाई नियन्त्रणमा लिएको हो।
प्रहरीका अनुसार पक्राउ परेका व्यक्तिहरू सेवाग्राहीलाई छिटो काम गराइदिने बहानामा अनावश्यक दबाब दिने, हैरानी गर्ने र गैरकानुनी रूपमा रकम असुल्ने कार्यमा संलग्न थिए।
हाल पक्राउ परेका सबै बिचौलियामाथि आवश्यक अनुसन्धान अघि बढाइएको प्रहरीले जनाएको छ।
