नेपाली कांग्रेसको १५ औं महाधिवेशनअन्तर्गत आज मतदान भइरहेको छ।
काठमाडौंको प्रदर्शनीमार्थस्थित राष्ट्रिय सभागृह र खुलामञ्चमा रहेको मतदान स्थलमा मतदान भइरहेको छ। मतदान आज अपराह्न ३ बजेसम्म चल्नेछ।
बागमती प्रदेशका महाधिवेशन प्रतिनिधिहरूले राष्ट्रिय सभागृह तथा बाँकी प्रदेश, जनसम्पर्क, भ्रातृ तथा शुभेच्छुक संघसंस्थाका प्रतिनिधिले खुलामञ्चमा मतदान गरिरहेका छन्।
सभापति, उपसभापति, महामन्त्री, सहमहामन्त्री र केन्द्रीय सदस्यका लागि चुनाव भइरहेको छ। वरिष्ठ उपसभापति, उपसभापति महिला निर्विरोध भइसकेको छ भने कोषाध्यक्ष सभापतिले पछि मनोनीत गर्ने हो।
मतदानका लागि एक जनालाई करिब आधा घन्टा समय लाग्छ। २३ वटा मतपत्रमा मतदान गर्नुपर्ने हुन्छ।
