भोटेकोशी बाढीमा परेर एक सातासम्म बेपत्ता भएकाहरूको शव फेला नपरेपछि आफन्तहरूले कुशको शव बनाएर अन्तिम संस्कार गर्न थालेका छन्।
शव भेटिने सम्भावना न्यून हुँदै गएपछि र आफन्त जीवितै फर्किने आशा पनि कमजोर बनेपछि परिवारले धार्मिक विधिअनुसार कुशको शव बनाएर अन्त्येष्टि गर्न थालेका हुन्।
काठमाडौंको पशुपतिको आर्यघाटमा यस्ता अन्त्येष्टि गर्ने आफन्तहरूको संख्या बढ्दै गएको छ। लामो समयसम्म खोजी गर्दा पनि आफन्तको अवस्था पत्ता नलागेपछि परिवारहरू पीडाबीच अन्तिम संस्कार गर्न बाध्य भएका छन्।
यो दृश्यले भोटेकोशी बाढीले निम्त्याएको मानवीय क्षतिको गहिरो पीडा र परिवारले भोगिरहेको अनिश्चिततालाई झल्काएको छ।
