६ माघ, रौतहट - नेपाल सद्भावना पार्टी पुनर्गठनपछि अध्यक्ष बनेका अनिलकुमार झा नेपाली कांग्रेसबाट प्रतिनिधिसभा निर्वाचनमा उम्मेदवार बन्ने भएका छन्। कांग्रेसले उनलाई रौतहट-१ निर्वाचन क्षेत्रको टिकट दिएको हो।
झाले कांग्रेसको उम्मेदवारका रूपमा चुनाव लड्ने निर्णयको पुष्टि गर्दै सद्भावना पार्टी भने यथावत् रहने स्पष्ट पारेका छन्। रौतहट–१ मा यसअघि नै नेपाल कम्युनिस्ट पार्टीका सह-संयोजक माधवकुमार नेपाल पनि चुनावी प्रतिस्पर्धामा होमिइसकेका छन्।
