ब्राजिलका राष्ट्रपति लुलाको ट्रम्पप्रतिको कडा प्रतिक्रिया : 'अस्वीकार्य धम्की र नाजायज दबाब

ब्राजिलका राष्ट्रपति लुला डा सिल्भाले अमेरिकी राष्ट्रपति डोनाल्ड ट्रम्पको ब्राजिलमाथि ५० प्रतिशत भन्सार शुल्क वृद्धि गर्ने चेतावनीप्रति तीव्र प्रतिक्रिया जनाएका छन्। टेलिभिजनमार्फत सार्वजनिक सम्बोधनमा उनले ट्रम्पको उक्त चेतावनीलाई "अस्वीकार्य ब्ल्याकमेल र नाजायज दबाब" का रूपमा टिप्पणी गरे।

डोनाल्ड ट्रम्पले ब्राजिल सरकारले पूर्व राष्ट्रपति जेयर बोल्सोनारोविरुद्ध "राजनीतिक प्रतिशोध" स्वरूप कारबाही गरिरहेको आरोप लगाउँदै आगामी जुलाई ९ देखि ब्राजिलका सामानहरूमा उच्च भन्सार शुल्क लगाउने घोषणा गरेका थिए।

बोल्सोनारोमाथि २०२२ को चुनाव परिणाम उल्ट्याउने प्रयाससँग जोडिएको मुद्दा चलिरहेको छ, जसका कारण उनी न्यायिक छानबिनको सामना गरिरहेका छन्। यदि ब्राजिल र अमेरिकाबीच कुनै सहमति हुन सकेन भने, ट्रम्पले अगाडि सारेको योजना अनुसार १ अगस्टदेखि ५० प्रतिशत भन्सार शुल्क लागू हुने सम्भावना छ।

राष्ट्रपति लुलाले ट्रम्पको समर्थनमा उभिएका नेताहरूलाई कडा रूपमा आलोचना गर्दै "देशविरोधी" करार दिएका छन्